abwab

خالتي قالو والصدمة الكبرى

س: خالتي قالو على السلامة,فين غبورك علينا ياك بعدا لاباس

خ ق : الله يسلم اوليدي,لا والو باس غير من حاجة لحاجة الله يساوب اوصافي

س:هي شي تسافيرة اخالتي

خ ق: فحال داك الشي,التسفيرة اللولة جينا بلا كاس و التانية بلا بغريرة

س:وضحي ليا الى جات على خاطرك

خ ق : ياك الفرقة ماشت تجيب الكاس ورجعات بكري,و حنى بغينا نديرو بغريرة كبيرة وخرجنا فاشوش

س:الكاس فهمناها و البغريرة مازال

خ ق :البغريرة اللي بغينانديرو ماتطلعش حيت كين القواسة بزاف وخسرنا الفلوس على والو

س: بعدا خونا ديال الكاس راه رابح اوبزاف

خ ق:هاديك هي الصدمة, خسرالفرقة وربح هو,حتى الشتا معاه وقفات.وهو الفلوس نازلة كتر من الشتا

س:راه قالك ماشي سوقنا شحال تايربح

خ ق:عرفت راه تيطبق علينا قولة "عطيه ايديك يسرفق بيها".وقال ليك غادي يخدمنا ,هادي هيا "خالصو يخدمك"

س : علاش لا اخالتي, راه تيهاجم كلشي باش يجريو عليه ويدي بزاف الفلوس

خ ق :زوينة هادي؟ هدو هما الناس الفاهمين, رابحين هما ويخسرو الشعب

س : قال لك هو ماهامو والولافرقة’ لا كاس غير الفلوس دابا و اللي ماعجبو حال يسطح راسو مع الحيط,

خ ق :هدا مسلسل جديد خاصنا نتبعو حتى الاخرو دابا بالسلامة اولدي, الكليان تيتسناو

السما ما غيمات

الشتا ما صباتش مدة هدي

والناس فالجوامع طيطلبو الهادي

يتسناو رحمة الله تنزل يا سيادي

بلا ما كلشي تيوقف مايبقى غادي

الجيوب تتجف والغلا يولي ينادي

بنادم تيقصاح ومن خوه يولي حاضي

هدا غضب الله على المسخ اللي ولا عادي

الاخلاق تفقدات ومشات معاكم يا جدادي

كلشي تعرى والسروالحشمة مشاو مع الوادي

السما عمرات معاصي واللسان صبح ماضي

وبنا دم ولا همو غير المال ما خايف من حكم القاضي

يبيع و يشري اللي كين حيت بالفلوس راه راضي

الشتى وقفات حيت السحاب حشمات من عمال العبادي

اليدين توصخات فحال الورقة العامرة بمدادي

وما تنقى غير برجوع الناس للدين ياجوادي

و الله وحدواللي قادر يرحمنا ويرحم ارض جدادي و حفادي

البيضاء 23 يناير 2012

حوارات يوميه مع خالتي قالو من خيال شاب مغربي محب لبلده

سؤال : كي دايرا البوم اخالتي ؟

خالتي قالو : الحمد لله آولبدي, حسن من شي وقل من شي

س: كين شي بيع اليوم

خ ق: الحمد لله,كل نهار و رزقو

س: الناس تيحلضوك اخالتي؟

خ ق:واش انت بوليس ولا ضريبة ؟

ج:الا اخالتي انا غير واحد صحافي النيت ؟ صحافي ديال الاورديناتور وبغيت نعرف الري ديالك

س:ريي فاش اوليدي؟ياكما فالسياسة’

ج:الا اخالتي’ انا خطيني السياسة.

س:هاكدات الله يرضي عليك.السياسة راها الاروب.اجي بعدا واش غتشري مني شي بغرير ولا غير الهدرا بلا والو

راني غير ولية تنسترزق الله بهاد البغرير

ج: واخا خالتي غادي عطيني شي زينة ولكن نكملو الحديت

ج:دابا ما قلتي عيب .نديرو حديت ومغزل,غير سول ولا عليك

س: واش تتبعي الخبار فالتلفزة؟

ج:حتى تكون عندنا التلفزة بعدا؟

س:ما كاينش شي واحد دابا ما عندو تلفزه فالدار

ج:كانت وبعتها فالعيد باش نشري الحاولي لدراري

س:علاه باهم ماخدامش ؟

ج:خدمت العدو’ياك غير عساس تيشد جدريال فراس الشهر ماكفاوش حتى للقارو لتيكمي.خليني ساكتا’ العالم بي غير الله

س:اجي شتك غتنشفني على هاد الزينة

ج:سمحي ليا اخالتي الحديت مع عسل

ج:العسل هو اللي خاص لهاد البغرير.شد وسير حتى غدا واجي نكملو البغرير’لا بغيت نقول الحديت,على شرط,تشري شي زينة خرا

ج:ماقلتي عايب اخالتي, حتى غدا انشاء الله,,,,