a mediter

الفقير مات

الفقير الى مات ما كاين اللي جيب خبارو

للدفين يمشيو وليداتو ومعاهم حمارو

الزمان يدور عليهم ويوريهم ظلام نهارو

مشا اللي كان حاميهم فبيت ايديه سوارو

من عرق جبينو يوكلهم طعام من لحمو وخضارو

الحنان تفكرو وغادي يضوي ليلهم بعز نوارو

وحدو قادر يرزقهم حاكم الكون وسرارو

والغني الى مات العالم كلو يتلف

كلشي يمشي يعزي وخا يشد عليها الصف

معاه للمقبرة الناس تمشي البعاد ولا اللي يعرف

صفوف متابعين حازنين فحالة ما توصف

تقول بلا بيه غادي يضيعو والدنيا غتوقف

راه غير عبد فلوسو خلاوه عند الناس تعرف

وعند الودود غادي يتحاسب على المال وفين تصرف

الى فلخير ينجى ولا فالشر مايكفاه بكى ولا لطيم الكف

الدنيا فانيا يا الخوت ستغلو الظرف

تفكرو الله قبل ما التراب على الجساد تغرف

كلها يحاسب راسو قبل ما الدود عليه يولف

مادام حي يتفكر المولى باش عليه ديما يلطف

ماينساش انواللي عطاه يقدر يخود ليه بالخف

واليوم دنيا وعمل وغدا حساب وشمس فوق الراس بالحرف

الله عطانا العقل باش نعبدوه على ضو شمسو وقمارو

ماشي باش نعصيوه الله ودنوبنا نهارعلى نهاريكتارو

سبحانه قادر يرجعنا صغر من التراب وغبارو

نرجعو ليه باش يغفرلينا على دنوبنا كباروولا صغارو

البيضاء يونيو 2011