Khalti Galoo et les chinois

خالتي قالو و الشينوا (3)  

س :صباح الخير خالتي قالو’ كيديرا هاد الصباح

خ ق : الحمد لله اوليدي’شتك جاي بكري هاد النهار ياك لباس

ج : والو باس غير صاحبي عجبو البغرير وجيت ندي شي زينة للفطور

خ ق : هو اللول و شوف غير نص التمن

ج :لا خالتي ’ انتي تتمحني عليه’خاصك تاخدي التمن كلو

خ ق : راك وليتي كليان و بغيت ندير ليك الروميز

ج :تبارك الله عليك اخالتي راك تتعرفي تبيعي. مرة خرة ان شاء الله,اليوم بيعي ليا بالطريفة فحال الناس

خ ق: راني تنديرها غير مع الناس العزاز فحالك ومنها نواجه المنافسة اللي كترت هاد ليام

ج:صباح زين اخالتي هدا’غادي نهدرو فالاقتصاد.شكون اللي تينفسك فهاد الحرفة ؟

خ ق: اللي خايفة منو ماشي جيراني’ راني خايفة من الشينوا

ج: من الشينوا؟ علاش اش داهم للبغرير اخالتي ؟

خ ق :هادوك هاجوج و ماجوج راهم صعاب و كلشي تيعرفو ليه,خايفاهم لا يصيبو شي مكينة تتصايب الغرير فيساع و رخيص ويصدروه لينا

ج :لا خالتي ما نضش, حتى البغرير

خ ق: شوف اولدي انا كبر منك و عارفة شلا حوايج, شحال داز على هاد الرويس,الشينوا تيشمو الرباح فكلشي هانا نقول ليك

ج : انت تعرفي اخالتي,المهم راكي علا بال و راني غنستافد منك كتبر.عطيني داك البغرير عفاك راه صاحبي تيتسنا واتاي غادي يبرد

خ ق : هاك اولدي و سلم على صاحبك.جيبو معاك غدا

ج : الى بغا غادي نجيبو معايا ان شاء الله.تهلا ي فراسك وحضي من الشينوا راهم يديروها