shake it

شاكرينها

شي ناس قالو "اش فيها الا درنا طريح ديال ضاما"

نجيبو الطبلة وربعة الناس وهاحنا بري للطرح اماما

وقاع نطلبو شي براد ديال اتاي مشحر بليقامة

واللي خسر يخلص علينا شي طنجية بالسمن وقمامة

قالو باسم الله وحركو البيدق الاول وهي تجي واح الغمامة

ماعرفو باش تبلاو والدنيا كانت صافية صحة وسلامة

ملي هزوا لراس لقاو ناس كتار فحال فيوم القيامة

شي ورا شي لابسين فحال اللي غادين العرس بلا غرامة

واحد من دوك الربعة سول "اش واقع مالكم غاديين دايرين الكمامة"

جاوب الدري قال ليه حنا غادين نتفرجو فواحد الحمامة

تتشطح و تغني بالزربة وتربح الفلوس فبلاصة مضلامة

اجيو معانا راه البلاصة بالتمان باش تفرجو معانا بلا ندامة

السيد قال ليه واش هادي واحدة من الناس العضامة

جاوبو الدري وقال لا هي اللي معظمة وتامنها فاعلى سامة

الوقت معاها تيجري وتصحاب راسك كنت تتحلم فمنامة

هي تدي الملاير و الخرين يرجعو ديورهم يلبسو البيجامة

ينعسو وفالصباح يقولو دارتها بينا ديك التمتامة

خسرنا فلوسنا بلا فايدة وكاين اللي ما لقى ياكل خبز مع ما

السيد يقول ليهم حنا "شاكرينها"  حيت خلات فيكم علامة

دارت ليكم حب وبونت وما قالت ليكم حتى بسلامة

ودابا غادي تجلسو تلعبو معانا طرح بلا كترة الفهاما

البيضاء 30 مايو 2011