Yes we did it

الجمهور يريد 4-0"

داروها شباب الاسمس النيت و الفيسبوك

داروها شباب القوة الرباعية والشعر المدلوك

اللي قالو لبنشيخة انا خوك امونفرير ماشي عدوك

لكن فالتيران بالكورة ماغاديش نراحموك

هو اللي قال للصحافي سيبني  يرحم بوك

راني جاي لمراكش باش نربح و نتأهل من دروك

ناسي انو ربح فبلادو غير ببيلانتي مشكوك

صحاب الشماخ و السعيدي بالفن واللعب المحبوك

هزو راسنا عالي للسما قايلين "ديما ديما ماروك"

بالرباح الشعب خرج فرحان تيغني بالصوت والبوق

قال هادا شباب  غادي يوصلنا ان شاء الله للفوق

فايقين وكلشي عندهم ساهل بالغنى والرشوق

حتى فالسياسة ولا رايهم مسموع الى ماتعداش الادب والدوق

فالملعب كانو تيناديو"الرباح هو حق من الحقوق"

والفرقة كانت فنهارها و نوضو للخرين فالريوس القوق

ماشي واحد ولا جوج راهم ربعة الاهداف فوقهم البيض المصلوق

هادشي اللي كنا تنتسناو من زمان ودبا ولا خبار موتوق

اليوم كلشي تيهضر على هاد الشباب فكل قهوة وسوق

نتمناو نمشيو بعيد و جميع نخلو الصخر يولي تراب مدقوق

البيضاء 06 يونيو 2011