Kaizouhan
*بلاد القوزحان*
عيش نهار تسمع خبار فبلاد القوزحان
السر طار والمسخ طغى وخرج السنان
زناقيهم ولات كل مزوقة باللوان
ها البيض ها الحمر هاالوردي فالسماعلى وبان
حريتهم حتي هي تتلون وخاصة مع بني العربان
كلشي عايش للدنيا والآخرة ماكينا فالحسبان
الماكلة ،الشراب والزواق هي هم هاد الإنسان
التربية والأخلاق مابقاوش عندهم مكان
غير عيش كي بغيتي ودير فحال الحيوان
المهم بعد عن الدين اللي ولى عندهم اكبر العدوان
عيش مع راجل ولا مرا كلشي ليهم مزيان
وما تفكرهمش انو كاين موت،حساب ووقوف قدام العدنان
حيت هما عايشين للدنيا ومن بعد وخا يجي الطوفان
دنيتهم كلها نشاط،زهو وفساد وخا يشريوه بالتمان
صايكين العالم لمصير ما عالم بيه غير الرحمان
الله يحفظنا ويحفظ وليداتنا من غضب الالاه علىضغات هاد
الزمان
فوينخرولا غشت ٢٠٢٣